उखु किसानहरुको समस्या तत्काल समाधान गर्न इन्दुशंकर चिनी उद्योगलाई ध्यानाकर्षण

सर्लाही हरिवन इन्दुशंकर चिनी उद्योगलाई तत्काल समस्या समाधान गर्न नेपाल क्रान्तिकारी उखु उत्पादन महासंघका पदाधिकारीद्वारा ध्यानाकर्षण पत्र बुझाएको छ ।  क्रान्तिकारी उखु उत्पादन महासंघले उखु किसानहरुको ११ ओटा समस्या समाधान गर्न उद्योगलाई ध्यानाकर्षण पत्र बुझाएको हो ।

शाैचालय सुबिधा व्यवस्थित गर्नु पर्ने,यार्डमा प्रदुषणको समस्या न्यूनीकरण गर्ने,धुलोलाई कम गर्न दैनिक पानी हाल्ने,खानेपानी सुबिधा व्यवस्थित गर्नुपर्ने,चालकलाई विश्राम गर्नका लागि विश्राम कोठाको उपलब्धता हुनुपर्ने,यार्ड्मा चालक र गाडीहरुको सुरक्षाका लागि सुरक्षागार्डको व्यवस्था हुनुपर्ने,किसानहरुलाई समयमा चलानको उपलब्ध गराइनुपर्ने,यार्डमा बिजुली बतीको राम्रो व्यवस्था हुनुपर्ने,सुरक्षाका लागि सिसिटिभी क्यामरा जडान गर्नुपर्ने ,बाहिरबाट आएका ड्राइभरका लागि सस्तो मुल्यमा खाना,खाजाको व्यवस्था हुनुपर्ने,यार्डमा ट्रायक्टर र ट्रकलाई लाइनमा पालो पहरालाई व्यवस्थित गर्नुपर्ने चेनी उद्योगले कर्मचारी खटाउनुपर्ने र चिनीमिलको कर्मचारी सभ्या भाषामा उखु किसान र ड्राइभर संग प्रस्तुत हुनुपर्ने माग सहित ध्यानाकर्षण पत्र बुझाएको अखिल नेपाल क्रान्तिकारी उखु उत्पादन महासंघ केन्द्रिय महासचिव शेख इस्तियारले जानकारी दिनुभयो ।