रोनाल्डो ३० दिनका लागि निलम्बित

मलंगवा, कात्तिक,३-टोलीमा आफ्नो भूमिकालाई लिएर मुख्य प्रशिक्षक जोर्जे जेसुससँग विवाद भएपछि पोर्चुगलको राष्ट्रिय टोलीको क्याम्प छाडेका क्रिस्टियानो रोनाल्डोलाई पोर्चुगिज फुटबल सङ्घले ३० दिनका लागि निलम्बित गरेको छ।

सङ्घको अनुशासन समितिले ४१ वर्षीय फरवार्ड रोनाल्डोमाथिको अभियोग पूर्ण रूपमा ठहर गर्दै २५५ युरो जरिवाना समेत गराएको छ।

नोर्वेविरुद्धको खेलमा वैकल्पिक खेलाडीका रूपमा मैदान प्रवेश गर्न नपाएपछि रोनाल्डोले प्रशिक्षक जेसुसले आफ्नो भूमिकाबारे दुई पटक दिएको वचन तोडेको आरोप लगाएका थिए। त्यसपछि उनी यसै महिनाको सुरुमा डेनमार्कविरुद्ध नेसन्स लिगको खेलअघि कोपेनहेगनस्थित पोर्चुगलको आधार शिविर छाडेर फर्किएका थिए।

प्रशिक्षक जेसुसले रोनाल्डोसँग कुनै सम्झौता भएको कुरा अस्वीकार गरेका छन्। यद्यपि डेनमार्कमाथि पोर्चुगलले २-१ को जित निकालेपछि उनले रोनाल्डोको पुनरागमनका लागि बाटो खुला रहेको बताएका थिए।

अनुशासन समितिले रोनाल्डोले सङ्घको अनुशासन नियमावलीको धारा १६० (१) अनुसार नियतवश कसुर गरेको ठहर गरेको छ। अक्टोबर ७ मा दर्ता भएको प्रतिवेदनका आधारमा अक्टोबर ९ देखि रोनाल्डोविरुद्ध कारबाही प्रक्रिया अघि बढाइएको थियो।

सङ्घको वक्तव्यमा यो निलम्बनले कुन-कुन खेल वा गतिविधि समेट्नेछ र अस्थायी निलम्बनको अवधि यसमा गणना हुनेछ वा छैन भन्ने स्पष्ट पारिएको छैन।

Portugal’s forward Cristiano Ronaldo gives the thumb up during the Euro 2020 Group B football qualification match between Portugal and Lithuania at the Algarve stadium in Faro, on November 14, 2019. (Photo by PATRICIA DE MELO MOREIRA / AFP)