सर्लाहीको नवलपुरदेखि पूर्वतर्फको भागमा आज बिहानैदेखि बिजुली अवरुद्ध

सर्लाहीको नवलपुरदेखि पूर्वतर्फको भागमा आज बिहानैदेखि बिजुली अवरुद्ध रहेको छ ।

लालबन्दी र नवलपुरको बिचमा पर्ने बागवानी जंगलमा फल्ट हुँदा लालबन्दी, रानिगन्ज, पत्थरकोट, नारायणखोला, रानिगन्ज, परवानीपुर, घारिबथानलगायत क्षेत्रमा बिहानैदेखि बिजुली अवरुद्ध भएको हो । बिजुली नहुँदा बिजुलीबाट हुने सबै काम ठप्प भइरहेको छ ।

फल्ट भएको ठाउँ पत्ता लगाउन सके १०/१५ मिनेटमै मर्मत गर्न सकिने तर समस्या भएको ठाउँ नै नभेट्टाउँदा हैरानी भइरहेको चौलागाईंको भनाइ छ । राति यस क्षेत्रमा हावाहुरीसहित हल्का वर्षा भएको थियो । अहिले पनि जिल्लाको मौसम धुम्मिने र कतकतै पानी छिट्याउने भइरहेको छ ।