कांग्रेस सभापति गगन थापाले सर्लाही क्षेत्र नम्बर ४ बाट उम्मेद्वारी दिने घोषणा

आगामी फागुन २१ गते हुने प्रतिनिधि सभा सदस्य निर्वाचनमा नेपाली कांग्रेसका सभापति गगनकुमार थापा सर्लाही क्षेत्र नम्बर ४ बाट उम्मेद्वारी दिने भएका छन् । अन्तिम समयमा थापाले सर्लाही ४ राेजेका छन् ।

पार्टी क्षेत्रीय कमिटीलेपनि यसअघि नै सभापति थापाकाे नाम उम्मेद्वारमा सिफारिस गरिसकेकाे थियाे । थापा २०७९ सालकाे निर्वाचनमा पनि सर्लाही क्षेत्र नम्बर ४ बाट उम्मेद्वारी दिने पक्कापक्की भएकाे थियाे । तर काठमाडाैं ४ मा उनले चाहेकाे भन्दा अर्कै नेतालाई पार्टीले टिकट दिने भएपछि अन्तिम समयमा सर्लाही छाडेका थिए ।

समयले भ्याउने अवस्था रहेसम्म सभापति थापा आफै उम्मेद्वारी मनाेनयन दर्ताका लागि आउने तयारी भइरहेकाे र अन्यथा वारेसनामाबाट दर्ता हुने उनि निकट एक नेताले जानकारी दिए ।