चुनावी अभियानमा संकलित चामल–रकम धर्मकार्यमा प्रयोग

सर्लाहीको हरिपुरवा नगरपालिकामा आयोजना भइरहेको महायज्ञका लागि हिन्दू सम्राट सेना नेपालका केन्द्रीय उपाध्यक्ष कृष्ण यादवले संकलित चामल तथा नगद दान गर्नुभएको छ।

चुनावी अभियानका क्रममा सर्लाही क्षेत्र नं. २ अन्तर्गत पर्ने हरिपुरवा नगरपालिकामा यादवले घर–घर पुगेर प्रत्येक हिन्दू परिवारबाट एक मुट्ठी चामल र पाँच रुपैयाँका दरले धर्मकार्यका लागि सहयोग संकलन गर्नुभएको थियो।

संकलन गरिएको सम्पूर्ण चामल र रकम आज हरिपुरवामै सञ्चालन भइरहेको डेढ वर्षे महायज्ञमा विधिवत रूपमा दान गरिएको जनाइएको छ।

उक्त अभियान सनातन धर्मप्रति आस्था अभिवृद्धि र धार्मिक सेवाभावलाई मजबुत बनाउने उद्देश्यले सञ्चालन गरिएको बताइएको छ।