सर्लाहीमा अचानक मौसम बदली, वर्षा सुरु – ठूलो वर्षा र हावाहुरीको चेतावनी

सर्लाहीमा आज शुक्रबार दिउँसोसम्म घाम लागेर मौसम सफा देखिए पनि बेलुका पछाडि एक्कासी बदली भई वर्षा सुरु भएको छ।

स्थानीय क्षेत्रमा वर्षासँगै हल्का हावाहुरी पनि चल्न थालेको जनाइएको छ। मौसमको यस्तो अचानक परिवर्तनसँगै जनजीवन प्रभावित हुने सम्भावना बढेको छ।

मौसमविद्हरूका अनुसार आज र भोलि देशका विभिन्न स्थानमा भारी वर्षा, मेघगर्जन र हावाहुरी हुने सम्भावना रहेकाले सतर्क रहन आग्रह गरिएको छ। विशेषगरी तराई तथा पहाडी क्षेत्रमा पानीको बहाव बढ्न सक्ने र डुबान तथा सडक अवरुद्ध हुने जोखिम पनि रहेको चेतावनी दिइएको छ।

सर्वसाधारणलाई अनावश्यक यात्रा नगर्न, सुरक्षित स्थानमा बस्न र मौसम अपडेट नियमित रूपमा लिन आग्रह गरिएको छ।